Monday, September 16, 2019

ගැහැණු ඉරණම් Destiny of women

ගැහැණු ඉරණම් 

ලියන්නට හැකිනම් 
කථාවක් අලුතින් 
කියාවි සුප්පා දේවියන් 
සිංහයා ලෙනට එන විට 
සවසට ලයන්  සෙය්‍යයාවෙන් 
මූනම් මහා 
තිරිසනෙක්  

ඇසුවොත් යලිත් 
මනමේ කුමරියගෙන් 
කඩුව දුන් හේතුවක් 
සිඳින්නට කුමරුන්ගේ ගෙල 
පවසාවි ඈ නොපැකලී 
නොලද බව 
සුරතාන්තයක්

පිටපතින් පිටට ගොස් 
ජැක් සීතලේ නොගිලී 
මියැදුණේ නැත්තම් 
රෝස් කයි අද රෑටත් 
රෝස් පාන් 
සම්බෝල සමගින් 

රාමුවෙන් පිටට පැන 
සිනා සෙන්නට හැකිනම් 
ලෝපතළ 
මොනාලීසා ටත් 
පෙන්නාවී 
ඈ කැඩුණු දත් හතර 
මිනිහාගේ පා පහරින් ....

By Jahooli Devi

Tuesday, August 13, 2019

L’étranger by Charles Baudelaire - ආගන්තුකයා French poem



ආගන්තුකයා
French poem : L’étranger by Charles Baudelaire



-  ගුප්ත මිනිසා , පවසන්න

ඔබ වඩාත්  ආදරය කරන්නේ

ඔබගේ  පියාටද , මවටද , සහෝදරියටද , සහෝදරයාටද ?

- මට පියෙක්, මවක්, සහෝදරියක්, සහෝදරයෙක් නොමැත.

- ඔබගේ මිතුරන්ටද ?

ඔබ පවසන වදනේ  තේරුම මට අද වනතුරුත් පැහැදිලි නොමැත.

- ඔබගේ රටටද ?

- එය කුමන අක්ෂාංශයේ පිහිටියෑ දැයි වත් මම නොදන්නෙමි.

- රූප ශෝබාව ටද ?

 -  අමරණීය දෙවගනක්  බඳු රූපයක් ලබන්නට මමද කැමැත්තෙමි.

- රත්‍රන් ද ?

- ඔබ දෙවියන්  පිළිකුල් කරන තරමටම මම  එයටද අකමැතියි.

එසේනම් අමුතු  ආගන්තුකය,  ඔබ කැමති කුමටද ?

මම කැමති වලාකුළු වලටයි.   අර ඈතින් ඈතින්  පාවෙන වලාකුළු ...

මන බඳින   වලාකුළු වලටයි!



Translated by Jahooli Devi

Friday, August 2, 2019

ගසා ගෙන ගිය රුවල් නැව්


අතු කපා බිම හෙලූ ගහකට යලි දළු ලන්න හැකි නම්
වෙඩි වැදී ලේ ගැලූ සිරුරකට සුව වෙන්න හැකිනම්
ක්ෂිතිජයේ මිය යන ඉරක් පසු දිනම පිබිදේනම් 
මරණයට බිය වෙවී ඇයි අපි ජීවිතය විඳවමින් ...

අළු ගසා නැගීටු පක්ෂියා පියා සලමින් නොගියේද?
පරවී වැටුණු මලක නටුවෙන් යලි මලක් නොපිපේද ?
ගසා ගෙන ගිය රුවල් නැව් තොටක් කිසිදා නොදකීද?
අරමුණක් නැහැ කියා මිනිසා පෙරට යන ගමන නවතයිද ?

By Jahooli Devi