ආදරය කියන්නේ
කොහොල්ලෑ තලියක්
ගහක පිළිලයක්
කකුලක ඇනුණු කටුවක්
සුව නොවන තුවාලයක්
ආදර සිංදු
බෙලෙක් තහඩුවට ගහන පාරක්
කට තිත්ත අරිෂ්ටයක්
දිව මදින ඔක්කාරයක්
බැරැන්ඩි වුණ උගුරක්
ආදර පොරොන්දු
පණු කාපු දත් කුහරයක්
නැතිවුණු ඉඳි කට්ටක්
ලෝඩ් වෙන වෙබ් පිටුවක්
සීනි ලුණු වැඩි බීමක්
ආදර වන්තයා / වන්තිය
ලේ බොන කූඩැල්ලෙක්
ඔක්සිජන් නැති කිමිදුමක්
හිරවුණු ලිෆ්ට් එකක්
තොණ්ඩුව දාන අළුගෝසුවෙක්
ආදර තෑගි
ඇඟිල්ලට හිරවුණු මුද්දක්
සුවඳ නැති රෝස මල් පොකුරක්
අව්වට දියවෙන චොකලට් පෙත්තක්
බූල් යන තඩි ටෙඩියෙක්
ආදර කවි
මුල මැද අග නොගැලපෙන රචනයක්
අසමත් වූ එලිසමයක්
තේරුමක් නැති හරුපයක්
කොටින්ම පට්ට පල් බොරුවක් !
By Jahooli Devi
No comments:
Post a Comment