ගසා ගෙන ගිය රුවල් නැව්

අතු කපා බිම හෙලූ ගහකට යලි දළු ලන්න හැකි නම්
වෙඩි වැදී ලේ ගැලූ සිරුරකට සුව වෙන්න හැකිනම්
ක්ෂිතිජයේ මිය යන ඉරක් පසු දිනම පිබිදේනම් 
මරණයට බිය වෙවී ඇයි අපි ජීවිතය විඳවමින් ...

අළු ගසා නැගීටු පක්ෂියා පියා සලමින් නොගියේද?
පරවී වැටුණු මලක නටුවෙන් යලි මලක් නොපිපේද ?
ගසා ගෙන ගිය රුවල් නැව් තොටක් කිසිදා නොදකීද?
අරමුණක් නැහැ කියා මිනිසා පෙරට යන ගමන නවතයිද ?

By Jahooli Devi